Back Xeminí Atséret Catalan Shemini Atseret CEB Šmini aceret Czech Sheminí atzeret Danish Schmini Azeret German Shemini Atzeret English Shemini Atzeret Spanish Šemini atseret Finnish Chemini Atseret French שמיני עצרת HE
Bernard Picart, Amsterdam 1722
Schmini Azeret oder Schemini Azeret (hebr. שְּׁמִינִי עֲצֶרֶת, wörtlig „Dr achti [Daag] vo dr Versammlig“, dütsch au Schlussfest) isch dr jüüdisch Fiirdig, wo grad noch em siibedäägige Laubhüttefest (Sukkot) chunnt und wo vo vile as Däil vo Sukkot aagluegt wird. In orthodoxe und konservative Gmäinde in dr Diaspora wird er zwäi Dääg lang am 22. und 23. Tischri, em sibte Monet im jüüdische Kaländer, im Septämber oder Oktober gfiirt, z Israel und in gwüsse Reformgmäinde isch er äi Daag lang und fallt uf e 22. Tischri. Dr zwäit Daag vom Fiirdig häisst Simchat Tora; dört, wo Schmini Azeret nume äi Daag lang isch, falle die bäide Fiirdig uf dr gliich Daag. Schmini Azeret het mä scho in dr Antike grad noch Sukkot gfiirt, Simchat Tora hingeege isch erst in dr noochtalmudische Zit entstande.